Landskappingin í Effodeildini fyri komandi kappingarár er nú klár. Fyrsta umfar verður spælt 15. og 16. mars
Nú er greitt, hvussu kappingin í Effodeildini verður spæld í 2014, og aftur komandi ár verður talan um eina drúgva kapping, sum byrjar hálvan mars og endar seinast í oktober mánaða.
Spælast skulu 27 landskappingardystir, ein Stórsteypadystur, seks dystir í kappingini um Løgmanssteypið, umframt at A-landsliðið skal spæla fýra EM-undankappingardystir, ið allir verða í heyst.
Meistararnir byrja við Margáir
Í samráð við feløgini hevur Kappingarnevndin hjá Fótbóltssambandi Føroya avgjørt, at Stórsteypadysturin, sum í ár verður millum HB og Víking, verður spældur í Havn sunnudagin 9. mars.
Og eina viku seinni, vikuskiftið 15. og 16. mars er fyrsta umfar í Effodeildini á skránni. Leygardagin 15. mars spæla B36-Skála, EB/Streymur-HB, og Víkingur-AB, og sunnudagin 16. mars spæla NSÍ og B68 við Løkin í Runavík, og í Fuglafirði teur ÍF ímóti KÍ.
B68 og KÍ á ólavsøku
Seinastu árini eru landskappingardystir spældir á ólavsøku, og soleiðis verður eisini ár, tá 16. umfar í Effodeildini 2014 skal spælast.
Fyrsti ólavsøkudysturin verður tó spældur á Argjum 27. juli, tá AB fær vitjan av EB/Streymi, og sama dag spæla ÍF og Skála í Fuglafirði, meðan NSÍ fær vitjan av Víkingi. Ólavsøkuaftan tekur HB ímóti B68, meðan B36 og KÍ møtast í Gundadali Ólavsøkudag.
Seinasta umfar í Effodeildini verður spælt leygardagin 25. oktober, og tá verður spælt soleiðis:
EB/Streymur – KÍ
NSÍ – ÍF
B36 – HB
Víkingur – B68
AB – Skála
Øll leikskráin sæst HER
