Dómarar

Vegleiðindi skrá fyri dómaraskeið/-samlingar í 2024

DatoSkeiðViðmerking
5.-7. jan.Instruktørskeið/-útbúgving
23.-26. feb.Úrmælinga- og eygleiðaraskeiðRennitest
23. marsDómari 2 / kveikingarskeið
24. marsC- og B-dómaraskeiðJojo test
6. juniEygleiðarasamling
11. juniFIFA rennitest 1
1. juliFIFA rennitest 1Umtest
29. aug.Úrmælingasamling
10. sept.FIFA rennitest 2
24. sept.FIFA rennitest 2Umtest
16. nov.Eftirmetingarfundur

Lær til leiðara – blív dómari!

Sum liður í at útbúgva fleiri dómarar til føroyskan fótbólt, skipar Fótbóltssamband Føroya á hvørjum ári fyri ymsum dómaraskeiðum. Flestu skeið verða hildin í FSF-húsinum í Havn, men tá undirtøkan og umstøðurnar annars tala fyri tí, verða dómaraskeið eisini hildin kring landið. Luttakari skal vera 15 ár ella eldri.

Dómaraútbúgvingin hjá FSF er skipað í fýra stigum, FSF-dómari, C-dómari, B-dómari og síðani A-dómari. Har afturat er eitt fyrireikingar skeið kalla Dómarin. Luttakararnir fáa innlit í fótbóltslógina, og seinni kunnu luttakararnir taka prógv sum FSF-dómari.

“Dómarin” er serliga hent tá heimaliðið skal áseta dómarar og hjálpardómarar til dystir. Skeiðið er 4 tímar teori og 1 tíma praktik, uttan próvtøku, og kunnu hesi skeið verða hildin í skúlum og feløgum kring landið.

Feløg, skúlar og onnur áhugaði fyri fótbóltslógini, er vælkomin at venda sær til Dómaraleiðaran hjá Fótbóltssambandinum um frálæru í fótbóltslógini og døming sum heild. Skeiðini Dómarin og FSF-dómarin, kunnu verða hildin á staðnum.

Afturat áðurnevndu skeiðum, sum eisini innihalda frálæru fyri hjálpar dómarar, HD 1, HD 2 og HD 3, er ætlanin at skipa fyri einum nýggjum skeiði sum serliga er ætla teimum sum satsa uppá at verða hjálpardómari, hetta skeiði kallast HD-dómari 4.

Áhugaði kunnu senda teldupost til [email protected].

Nær skeiðini fyri FSF-dómarar, C-dómarar, B-dómarar, A-dómarar og HD 4 verða, er ikki avgjørt enn. Men so skjótt hetta er greitt, verður kunngjørt her á síðuni.

Átak fyri at fáa fleiri dómarar

Ásannandi at tað er tørvur á nógv fleiri dómarum til at døma dystirnar sum Fótbóltssamband Føroya setur dómarar til, fer FSF nú gera átøk fyri at varpa ljós og at royna at kveikja áhugan fyri døming.

Endamálið við hesum er at fáa so nógva tøkar dómarar sum gjørligt. Okkara vón er at bæði feløg og einstaklingar taka væl undir við átakinum og vilja gera sítt ítasta fyri at fáa fólk at tekna seg til dómaraskeið, sum FSF skipar fyri.

Um feløg hava fleiri luttakarar so er møguleiki fyri at skeiðið kann haldast úti í feløgunum.

Sum liður í átakinum hava vit m.a. gjørt viðløgdu plakat, og fara vit at heita á tykkum at hanga hana upp á eitt sjónligt stað í felagshølum tykkara.

Vit vóna at hetta verður viðvirkandi til varpa ljós á døming og at fleiri tekna seg til skeiðini.

———

Dagført: 1. februar 2022