Tórsvøllur

Eystursíðan 101 til 108

Suðurendin 109 til 113 og 209 til 213

Vestursíðan 114 til 212 og 214 til 228

Atkoma á Tórsvølli

Fólk, ið sita í koyristóli, hava góðar møguleikar at koma á Tórsvøll.

Vit ynskja at øll skulu hava møguleika at uppliva okkara fótbóltsdystir í tryggum og góðum umstøðum.

Í kunningini niðanfyri hava vit savnað upplýsingar um atkomu fyri fólk í koyristóli.

Atkoma til koyristólar á dystardegi

Til ber at koyra til dyrnar á eystursíðuni, har tað eisini er upplýst P-øki til rørslutarnað, men neyðugt er við parkeringsloyvi frá FSF, sum fæst í samband við keyp av atgongumerki umvegis avgreiðsluna hjá fótbóltssambandinum.

Á eystursíðuni verður inngongd B og C nýtt, og eru trý vesi til rørslutarnað tøk á hesi hæddini.

Til ávísar dystir, har krøvini eru herd, verður víst til parkering við suðurendan, har tað í slíkum førum, er upplýst P-øki til rørslutarnað. Lyfta er í bygninginum upp til inngongd B og C.

Vitjandi sum hava atgongmerki til VIP økið, brúka inngongd J, har lyfta eisini er tøk, umframt vesi til rørslutarnað.

Atgongumerki fáast til keyps við at venda sær til [email protected] ella við at ringja á tel. 35 19 79 mánadag til fríggjadag frá kl. 09:00 – 16:00. Fylgari hjá koyristólsbrúkara fær ókeypis atgongumerki.

Ivamál og spurningar kunnu altíð stílast til [email protected] ella við at ringja á tel. 35 19 79 mánadag til fríggjadag frá kl. 09:00 – 16:00.

Myndir: Hans Erik Danielsen

———

Dagført 27. mai 2026