Áseting av dystartíðum

Kappingarnevndin hjá Fótbóltssambandi Føroya vil heita á feløgini um IKKI at leggja kappingar ella dystir hjá børnum og ungum, áðrenn klokkan 09:30-10:00, um tað letur seg gera.

Eisini verður heitt á feløgini um at leggja dystir hjá børnum og ungum í seinasta lagi klokkan 20:00 á kvøldi.

Samstundis skulu feløgini vera varug við, at dystir, ið eru fyriskipaðir av FSF, altíð koma framum venjingar og annað. Víst verður til § 3, stk. 1 í Kappingarreglunum fyri fótbólt.

Fótbóltssamband Føroya
21. juli 2023