Oddbjørn Joensen er gestur í FSF Varpinum hesaferð, og sambært honum skulu vit vænta tríggjar útisigrar í komandi umfari í Betri Deildini hjá monnum, sum verður spælt sunnudagin

Sunnudagin klokkan 15:00 er 22. umfar í Betri Deildini hjá monnum á skránni. 07 Vestur tekur ímóti B36, og á Eiði spæla EB/Streymur og Víkingur. Klaksvíkingar vitja á Skála, og við Stórá møtast TB/FCS/Royn og AB. Fimti dysturin verður í Havn, har HB fær vitjan av NSÍ.

Gestur í FSF Varpinum hesaferð at meta um komandi dystir, er fyrrverandi venjarin, Oddbjørn Joensen. Og hann væntar tríggjar útisigrar og tveir javnleikur í 22. umfari.