Føroyska A-landsliðið við monnum er dottið trý pláss aftur á styrkislistanum hjá FIFA, og er nú nummar 95 av teimum 211 limalondunum. Á UEFA-listanum eru Føroyar nummar 44 av 55 limalondum

Seinni í hesum mánaðinum skal føroyska A-landsliðið við monnum í eldin aftur, tá seinastu umførini í UEFA Nations League eru á skránni. Næsta avbjóðing hjá landsliðnum verður síðani undankappingin til EM í 2020, og tað er við stórum spenningi at sæð verður fram ímóti, hvørjum londum Føroyar hesaferð koma í bólk saman við.

Lutakastið verður fyrst í desember, og tá verða londini skipaði eftir styrkislistanum hjá UEFA. Og har eru Føroyar nummar 44 av teimum 55 UEFA-limalondunum. Men føroyska liðið kann lyfta seg longri upp, alt eftir hvussu gongur í teimum báðum seinastu dystinum í UEFA Nations League.

Á seinast dagførda styrkislistanum hjá FIFA, eru Føroyar nummar 95, og er harvið dottið trý pláss aftur á listanum, samanborið við fyri einum mánað síðani.

17. november klokkan 17:00 (føroyska tíð) spæla Aserbadjan og Føroyar á Baki Olimpyia Stadion í Baku í Aserbadjan, og 20. november klokkan 19:45 (føroyska tíð) spælir føroyska liðið seinasta dystin í UEFA Nations League bólkaspælinum, tá Malta tekur ímóti á National Stadion í Ta’Qali á Malta.

Á styrkislistanum hjá evropeisku fótbóltssamgonguni fyri kvinnulandslið eru Føroyar nummar 42 av 49 londum, og nummar 84 av 177 londum á styrkislistanum hjá FIFA. Í februar mánað komandi ár verður greitt, hvørji mótstøðulondini hjá føroysku kvinnunum verða í næstu EM-undankappingum, sum byrjar í august.

UEFA-styrkislistin (menn)

1. Spania

2. Týskland

3. Italia

4. Ongland

5. Skottland

6. Serbia

7. Portugal

8. Russland

9. Frakland

10. Belgia

11. Noreg

13. Danmark

24. Svrøíki

31. Kosovo

34. Aserbadjan

39. Malta

40. Ísland

44. Føroyar

50. Finnland

UEFA-styrkislistin (kvinnur)

1. Frakland

2. Týskland

3. Spania

4. Svøríki

5. Holland

6. Ongland

7. Noreg

8. Kekkia

9. Italia

10. Skottland

11. Danmark

19. Finnland

20. Ísland

42. Føroyar