Um vikuskiftið fingu Føroyar sítt fyrsta eLandslið, sum komandi ár skal spæla EM-undankapping. Annar av landsliðsspælarunum er nýklæti FM-vinnarin í eFótbólti, Heðin Skov, og hann er nú spentur at síggja altjóða støði í eFótbólti

– Eg gleði meg til at skula spæla á landsliðnum. Higartil hava vit hildið, at vit eru nokk so góðir, men nú fáa vit also at síggja, um vit eru góðir, sigur Heðin Skov, nýklæktur føroyskur eLandsliðsspælari, í samrøðu við FSF Varpið.

Leygardagin varð finaluumfarið í eFótbólti spælt í høvuðssætinum hjá Føroya Tele í Hoyvík. Martin Heldarskarð vann yngra aldursbólkin, meðan Heðin Skov vann kappingina hjá teimum eldru.

Aftaná medalju- og teypahandanina fekk FSF Varpið orðið á Heðin Egholm Skov, ið saman við Virgari Trondesen skal manna fyrsta føroyska eFótbóltslandsliðið, sum komandi ár skal spæla EM-undankapping.