Lars Olsen hevur úttikið 20 spælarar til HM-undankappingardystin ímóti Andorra, sum verður 25. mars. Nýggir í hópinum eru Jóannes Bjartalíð og Hørður Askham úr KÍ
– Hetta er nakað, sum eg havi droymt um síðani eg var smádrongur, so eg eri ótrúliga glaður fyri hendan møguleikan, sigur Jóannes Bjartalíð, nýklæktur A-landsliðsspælari.
Á tíðindafundi í FSF-húsinum mánadagin kunngjørdi Lars Olsen, A-landsliðsvenjari, nøvnini á teimum 20 spælarunum, ið eru úttiknir til HM-undankappingardystin ímóti Andorra, sum verður á útivølli leygardagin 25. mars, klokkan 17:00 (føroyska tíð).
Nakrar broytingar eru neyðugar hesaferð, í mun til føroyska hópin, sum spældi ímóti Sveis í november í fjør. Fróði Benjaminsen hevur leikbann, Brandur Olsen, Sonni Ragnar Nattestad og Rene Shaki Joensen eru skaddir, meðan Árni Frederiksberg og Róaldur Jakobsen vegna útbúgving fyribils ikki eru tøkir til landsliðsfótbólt
Avboðini, skaðarnir og leikbannið hava tí við sær, at pláss verður fyri øðrum monnum, og til dystin ímóti Andorra hevur landsliðsvenjarin sent boð eftir Jóannesi Bjartalíð og Hørði Askham úr KÍ.
Málverjar
Gunnar Nielsen, FH (ICE)
Teitur M. Gestsson, HB Tórshavn
Símun Rógvi Hansen, NSÍ Runavík
Verjuspælarar
Jónas Þór Næs, ÍBV (ICE)
Atli Gregersen, Víkingur
Hørður Askham, KÍ Klaksvík
Jóhan Troest Davidsen, HB Tórshavn
Odmar Færø, B36 Tórshavn
Bárður J. Hansen, NSÍ Runavík
Viljormur Davidsen, Vejle BK (DEN)
Miðvallarar
Rógvi Baldvinsson, Bryne BK (NOR)
Pól Jóhannus Justinussen, NSÍ Runavík
Gilli R. Sørensen, SK Brann (NOR)
Hallur Hansson, AC Horsens (DEN)
Kaj Leo í Bartalsstovu, ÍBV (ICE)
Sølvi Vatnhamar, Víkingur
Jóannes Bjartalíð, KÍ Klaksvík
Framherjar
Jóan Símun Edmundsson, OB Odense (DEN)
Klæmint A. Olsen, NSÍ Runavík
Páll A. Klettskarð, KÍ Klaksvík
