Thomas Thinggaard, venjari hjá U17-landsliðnum við dreingjum, hevur úttikið hóparnar, sum 10. og 13. mars skal spæla tveir venjingardystir móti SønderjyskE
Fyrireikingarnar hjá føroyska U17-landsliðnum við dreingjum, sum í hesum árinum skal til tríggjar altjóða kappingar, eru farnar í gongd. Liðið hevur havt nakrar venjingar í Havn og í Klaksvík, og í næstum verða tveir venjingardystir móti danska SønderjyskE á skránni.
Báðir dystirnir verða spældir á Tórsvølli. Tann fyrri verður leygardagin 10. mars klokkan 14:00, og tríggjar dagar seinni, týsdagin 13. mars møtast liðini aftur, og tá verður sett í gongd klokkan 18:30.
Thomas Thinggaard er venjari hjá U17-dreingjunum, og í samband við dystirnar móti SønderjyskE hevur venjarin úttikið tveir hópar.
Til fyrra dystin eru hesir boðsendir
Ari Petersen, 07 Vestur
Jónas Warner, B36
Eyðbjørn Østergaard, B36
Gutti D. Olsen, EB/Streymur
Leivur Guttesen, HB
Ári Arge, HB
Tórur Joensen, HB
Gilli Róason, HB
Noah Mneney, ÍF
Jóel H. Jacobsen, NSÍ
Súni Hansen, NSÍ
Meinhard F. Janusarson, NSÍ
Jens Erik Bruhn, TB/FCS/Royn
Bergur Poulsen, Víkingur
Ingolf Tvørfoss, Víkingur
Til seinna dystin er føroyski hópurin hesin
Jónas Warner, B36
Kristian K. Hentze, B36
Mikkjal Hellisá, EB/Streymur
Leivur Guttesen, HB
Ári Arge, HB
Tórur Joensen, HB
Noah Mneney, ÍF
Fríði R. Petersen, ÍF
Aleks H. Jacobsen, KÍ
Olaf K. Hansen, KÍ
Børge Petersen, KÍ
Súni Hansen, NSÍ
Meinhard F. Janusarson, NSÍ
Dánial Danielsen, NSÍ
Gulak Jacobsen, SønderjyskE
Í døgunum 3. til 8. apríl fara U17-dreingirnir til UEFA menningarkapping í Norðurírlandi. Síðani verður NM spælt í Føroyum 4. til 11. august, áðrenn liðið fer til innleiðandi EM-undankapping í Makedonia 18. til 27. oktober.
