Atgongumerkjasølan til finaluna um Løgmanssteypið, sum í ár verður millum NSÍ og B36, letur upp hósdagin 6. juli klokkan 12:00 á heimasíðuni hjá FSF
Leygardagin 26. august klokkan 19:45 bresta NSÍ og B36 saman í finaluni um Løgmanssteypið. Talan verður uttan iva um ein spennandi dyst, og vónandi og væntandi fara fjeppararnir hjá feløgunum at møta mannsterk á Tórsvølli.
Atgongumerkjasølan til steypafinaluna, ið fer fram í Nethandilinum á heimasíðuni hjá Fótbóltssambandi Føroya, letur upp hósdagin 6. juli klokkan 12:00. Kostnaðurin er 100 krónur fyri vaksin og 50 krónur fyri børn.
Steypafinalan hjá kvinnum, sum í ár verður millum HB og EBS/Skála, verður leygardagin 9. september klokkan 17:30.
Skráin fyri steypafinalurnar 2017
25. august | Kl. 19:00 | Th. Dam Intersport st. / Dreingir U18 | NSÍ – HB |
26. august | Kl. 13:00 | Cadbury steypið / Dreingir U14 | NSÍ – HB |
26. august | Kl. 16:00 | Blaðberasteypið / Dreingir U16 | HB – KÍ |
26. august | Kl. 19:45 | Løgmanssteypið | B36 – NSÍ |
8. september | Kl. 19:00 | Mótasteypið / Gentur U17 | B68 – EB/Streymur |
9. september | Kl. 14:30 | Eilif Arge steypið / Gentur U14 | 07 Vestur – AB/B71 |
9. september | Kl. 17:30 | Steypafinalan, kvinnur | HB – EBS/Skála |
