Atgongumerkjasølan til landsdystin ímóti Lettlandi, sum verður 7. oktober, letur upp á heimasíðuni hjá FSF fríggjadagin 9. juni klokkan 12:00

Leygardagin 7. oktober klokkan 17:00 spæla Føroyar og Lettland HM-undankappingardyst á Tórsvølli. Tá liðini spældu í Lettlandi í oktober mánaða í fjør vunnu Føroyar 2-0, við málum sum Sonni Ragnar Nattestad og Jóan Símun Edmundsson skoraðu.

Atgongumerkjasølan til heimadystin hjá Føroyum ímóti lettum er nú klár, og fríggjadagin 9. juni klokkan 12:00, verða fyrstu atgongumerkini sett til sølu í Nethandilinum á heimasíðuni hjá FSF.

Kostnaður

Tá keypt verður, skulu nøvn og føðingardagur á øllum atgongumerkjahaldarunum innlesast, og í mesta lagi 5 atgongumerkir er loyvt til hvørt keyp.
 

Atgongumerki kunnu keypast her: Atgongumerkjasøla / Føroyar – Lettland

So er bara at vóna, at tað verður ein fullsettur Tórsvøllur tann 7. oktober 2017, so sigurin, sum kom í hús eitt ár frammanundan, kann endurtakast á heimavølli, við hjálp frá føroysku áskoðarunum.