A-landsliðsvenjarin hjá kvinnum, Lene Bjerning Terp hevur úttikið hópin, sum í døgunum 13. til 22. februar skal á venjingarlegu í Spania
——————
Um smáar tvær vikur setir føroyska A-landsliðið við kvinnum kós ímóti Marbella í Spania, har hópurin fer á venjingarlegu frá 13. til 22. februar.
Umframt venjingar, vera eisini tveir landsdystir á skránni. Hósdagin 17. februar spæla Føroyar og Norðurírland á Marbella Football Center, og tríggjar dagar seinni, sunnudagin 20. februar tekur Gibraltar ímóti Føroyum á Victoria Stadium í Gibraltar.
Lene Bjerning Terp er venjari hjá kvinnulandsliðnum, og saman við nýggja hjálparvenjaranum, Svenn Olsen, hevur hon nú kunngjørt nøvnini á teimum 22, ið eru úttiknar til venjingarleguna.
Og av teimum, eru tríggjar, ið ongantíð fyrr hava verið partur av A-landsliðnum. Talan er um Lenu Olsen og Mirjam Huneck úr NSÍ, og Rúnu Jacobsen úr HB.
Hópurin
Óluvá Allansdóttir Joensen, KÍ
Maria Biskopstø, KÍ
Birita Ryan, KÍ
Sanna Svarvadal, KÍ
Tóra Mohr, KÍ
Tórunn Højgaard, KÍ
Rakul Maria Johannesen, Oppsal IF (Noreg)
Maria á Lakjuni, Víkingur
Jensa Kannuberg Tórolvsdóttir, Víkingur
Ásla Johannesen, AGF (Danmark)
Julia Naomi Mortensen, AaB (Danmark)
Monika Biskopstø, AaB (Danmark)
Heidi Sevdal, NSÍ
Lena Olsen, NSÍ
Mirjam Huneck, NSÍ
Olga Kristina Hansen, B36
Valborg Østerø, B36
Kára Djurhuus, EBS/Skála
Lea Símunardóttir Lisberg, EBS/Skála
Julia Helena Dal Henriksen, HB
Sarita Maria Mittfoss, HB
Rúna Jacobsen, HB
A-landsliðið við kvinnum skal spæla tríggjar HM-undankappingardystir í hesum árinum. Fríggjadagin 8. apríl á útivølli móti Ungarn, og síðan eru tveir heimadystir á skránni í september. Fríggjadagin 2. september spæla Føroyar og Ukraina á Tórsvølli, og týsdagin 6. september kemur Skotland á vitjan.
Harafturat skulu kvinnurnar eftir ætlan til Norðurmakedónia í juni mánað, har liðið skal spæla tveir venjingardystir, og í oktober skal kvinnulandsliðið til Baltic Cup í Estlandi.
