Seinasta hálva annað árið hava sekstan venjarar verið undir UEFA A-venjaraútbúgving hjá FSF, og fríggjadagin vórðu prógvini handaði
Fríggjadagin 9. juni varð skipað fyri lítlari samkomu í matstovuni ”Katrinu Christiansen” í Havn í sambandi við, at sekstan venjarar fingu handað UEFA A-venjaraprógv.
UEFA A-venjaraútbúgvingin tekur hálvt annað ár, og endar við próvtøku.
Teir 16, sum nú hava fingið A-prógv, eru
Jóan Pauli Jacobsen, Klaksvík
Erland Tvørfoss, Gøtu
Jákup Martin Joensen, Tórshavn
Sorin Anghel, Tórshavn
Jákup á Borg, Tórshavn
Petur í Gong, Klaksvík
Pól Helgi Jacobsen, Toftir
Poul Grunnveit Olsen, Haldórsvík
Lukascz Cieslewisz, Tórshavn
Dánial Pauli Davidsen, Tórshavn
Oddur Olsen, Klaksvík
Jákup Mikkelsen, Klaksvík
Olgar Danielsen, Klaksvík
Jens Erik Rasmussen, Miðvági
Erik E. Nielsen, Klaksvík
Palli Augustinussen, Vágur
Hvør luttakari hevur havt ein vegleiðara, sum millum annað hevur vitjað viðkomandi venjara í egnum felagi til praktiska venjing og dyst, og sum eisini hevur vegleitt í sambandi við skrivligar uppgávur.
Vegleiðarar á útbúgvingini hava verið Bill McLeod Jacobsen, Eli Hentze, Jóannes Jakobsen, Pauli Poulsen og Petur Simonsen, sum eisini hevur verið skeiðsleiðari.
Útbúgvingin byrjaði í januar 2016. Síðani tá hava luttakararnir verið til skeið í vikur og í vikuskiftum. Eitt nú um “Fysiska venjing” við Magna Mohr, “Taktiska venjing & leiðslu” við Heimir Hallgrimsson og “Mentala venjing” við Kristoffer Henriksen.
Harumumframt hava luttakarar og vegleiðarar eisini verið námsferð í Oslo í eina viku, har millum annað “Leikaramenning”, “Dystar- og leikaragreining” og “Nýggj/serstøk rák í fótbóltinum” vóru á skránni.
Í 1999 fingu fyrstu føroysku venjararnir – teir vóru tíggju í tali – tað, sum í dag svarar til UEFA A-lisens. Átta ár seinni, í 2007, fekk Fótbóltssamband Føroya sína egnu A-venjaraútbúgving góðkenda eftir núverandi leisti. Við hesum sekstan nýggju A-venjarunum eru tilsamans 80 venjarar, ið hava fingið UEFA A-lisens umvegis FSF-venjaraútbúgvingarskipanina.
