Tá føroyska A-landsliðið við monnum setir kós imóti Portugal um eina lítla viku, verður tað uttan Pól Jóhannus Justinussen, sum hevur givið avboð vegna skúlagongd

– Eg fái ikki skúlan og landsliðsfótbólt at passa saman beint nú, og tað er orsøkin til at eg havi givið avboð til dystin ímóti Portugal, sigur Pól Jóhannus Justinussen við heimasíðuna hjá FSF.

 

Á tíðindafundi mánadagin kunngjørdi Lars Olsen, landsliðsvenjari, nøvnini á teimum 22 spælarunum, ið eru boðsendir til næstu HM-undankappingardystirnar, sum verða ímóti Portugal og Andorra.

 

Hósdagin 31. august klokkan 19:45 spæla Portugal og Føroyar á Estadio do Bessa í Porto, og tríggjar dagar seinni, sunnudagin 3. september klokkan 17:00 spæla Føroyar og Andorra á Tórsvølli.

 

Á listanum hjá landsliðsvenjaranum yvir teir úttiknu var Pól Jóhannus Justinussen. Men nú er kortini greitt, at hávaksni glyvramaðurin úr NSÍ ikki verður í føroyska ferðalagnum, sum komandi mánadag setir kós ímóti Porto í Portugal.

 

Fróði Benjaminsen verður heldur ikki tøkur til dystin ímóti Portugal. Fróði er í læru sum fangavørður, og verður í komandi viku staddur uttanlands í arbeiðsørindum.

 

Væntandi verður fullsett á Tórsvøli til dystin ímóti Andorra. Tó eru nøkur atgongumerkir eftir, og tey fáast til keyps í Nethandilinum á heimasíðuni hjá FSF.

 

Hópurin

Gunnar Nielsen, FH Hafnarfjørður (ICE)

Teitur M. Gestsson, HB Tórshavn

Símun Rógvi Hansen, NSÍ Runavík

Jónas Tór Næs, ÍBV (ICE)

Viljormur Davidsen, Vejle BK (DEN)

Atli Gregersen, Víkingur

Rógvi Baldvinsson, Bryne FK (NOR)

Hørður Askham, KÍ Klaksvík

Odmar Færø, B36 Tórshavn

Ári Mohr Jónsson, HB Tórshavn

Kaj Leo í Bartalsstovu, ÍBV (ICE)

Gilli R. Sørensen, SK Brann (NOR)

Rene Shaki Joensen, Grindavík (ICE)

Fróði Benjaminsen, Víkingur

Sølvi Vatnhamar, Víkingur

Eli Falkvard Nielsen, B36 Tórshavn

Karl Løkin, NSÍ Runavík

Róaldur Jakobsen, B36 Tórshavn

Klæmint A. Olsen, NSÍ Runavík

Patrik Johannesen, B36 Tórshavn

Jóan Símun Edmundsson, OB Odense (DEN)