Gestur í FSF Varpinum hesaferð er Oddbjørn Joensen, og hann væntar, at nýtt oddalið verður at finna í EFFO-deildini aftaná komandi umfar, sum verður mikudagin

Mikudagin er 12. umfar í EFFO-deildini á skránni, og talan verður uttan iva um fimm sera spennandi dystir.

Í Havn verður grannauppgerð millum B36 og HB, og í Runavík hittast NSÍ og KÍ. Í Sørvági spæla 07 Vestur og ÍF, og á Skála vitjar felagsliðið úr Suðuroynni, TB/FCS/Royn. Fimti dysturin verður við Margáir, har EB/Streymur tekur ímóti Víkingi.

Oddbjørn Joensen er ”serfrøðingurin” í FSF Varpinum hesaferð, og sambært honum, so skulu vit vænta okkum nýtt oddalið í EFFO-deildini aftaná komandi umfar.

EFFO-deildin / 12. umfar (mikudagin 14. juni)

B36 – HB (kl. 18:00)

NSÍ – KÍ (kl. 18:00)

07 Vestur – ÍF (kl. 18:00)

Skála – TB/FCS/Royn (kl. 18:00)

EB/Streymur – Víkingur (kl. 19:00)