Í samband við at áskoðarar nú aftur sleppa til landsdystir á Tórsvølli, eru nakrar treytir, ið eru galdandi fyri øll á stadion

——————

Hósdagin 8. oktober klokkan 17:45 spæla Føroyar og Spania U21 EM-undankappingardyst á Tórsvølli, og vegna korona eru nakrar treytir, ið øll á stadion skulu fylgja.

Inngongd
Áskoðarar brúka inngongd C og D, og tað er av stórum týdningi, at øll halda seg til sítt pláss allan dystin. Harfaturat er krav, at øll bera masku/munnbind alla tíðina, meðan tey eru á stadion, og skulu áskoðarar sjálvir útvega sær masku/munnbind.

Fjølmiðlar brúka inngongd A.

Parkering
Víst verður til parkeringsmøguleikarnar við ÍSF-húsið, ítróttarhøllina á Hálsi og við suðurendan á Tórsvølli.

Heitt verður samstundis á øll um at halda frastøðu (minst 1 metur), og um at halda gott reinføri.

Fótbóltssamband Føroya