Í kvøld spæla kvinnurnar seinasta undankappingardystin á hesum sinni; her er kunning í samband við dystin

HM undankappingardysturin millum Føroyar og Skotland byrjar kl. 18.00 og dyrnar á Tórsvølli lata upp kl. 17.00.

Áskoðarar við vanligum atgongumerkjum verða bidnir um at brúka inngongd B (á eystari langsíðu, beint undir høllini á Hálsi), og gestir til skyboks og FSF gestir verða bidnir um at brúka inngongd J (á vestaru langsíðu, beint við niðara vøll).

Viðvíkjandi parkering verður víst til økini við Høllina á Hálsi og aftanfyri vestara áskoðaraskýlið í Gundadali (bygdaskýlið).

No12 og Landsliðsbúðin hava opið til kl. 18.00 í samband við dystin. Atgongumerkjasølan til dystin gongur fyri seg í nethandlinum hjá FSF, og atgongumerki til rørslutarnaði kunnu fáast við at ringja á tlf. +298 291972.

Víst verður til kortið niðanfyri og reglugerðina fyri Tórsvøll.

Góðan dyst!