Håkan Ericson og Eli Hentze hava sett liðið, ið byrjar á vøllinum ímóti Lettlandi. Tríggjar broytingar eru í uppstillingini, samanborið við dystin móti Danmark

——————

Landsliðsvenjarin hjá monnum, Håkan Ericson, og hjálparvenjarin, Eli Hentze hava framt tríggjar broytingar í byrjunaruppstillingini til dystin móti Lettlandi, sammett við venjingardystir móti dønum farna mikudag.

Á høgra bakki avloysir Gilli Rólantsson Sørensen Jóannes Kalsø Danielsen, í miðverjuni byrjar Odmar Færø í staðin fyri Heina Vatnsdal, og í álopinum verður tað Klæmint Andrasson Olsen, ið avloysir Patrik Johannesen.

Teitur Matras Gestsson verður í mál, og frá byrjan verða tað Gilli Rólantsson Sørensen, Odmar Færø, Sonni Ragnar Nattestad og Viljormur Davidsen, ið manna verjuna.

Á miðvøllinum byrja Jóannes Bjartalíð, Hallur Hansson, Sølvi Vatnhamar og Brandur Hendriksson Olsen, og í álopinum byrja Klæmint Andrasson Olsen og Andreas Lava Olsen.

UEFA Nations League dysturin millum Føroyar og Lettland verður bríkslaður í gongd klokkan 17:00.