FSF Varpið er aftur á skránni, og hesaferð meta Tróndur Arge og Heðin Askham um 20. umfar í EFFO-deildini, sum er á skránni um vikuskifti

Eftir ein hendingaríkan summarsteðg er FSF Varpið aftur á skránni. Hesaferð er Heðin Askham gestur hjá Tróndi Arge, og saman meta teir um 20. umfar í EFFO-deildini, ið er á skránni um vikuskifti.

Fríggjadagin (kl. 18:30) spæla ÍF og Víkingur, meðan dystirnir sunnudagin (kl. 15:00) eru TB – AB, Skála – NSÍ, B68 – B36, og so stórdysturin í hesum umfarinum, HB og KÍ, sum hittast í Gundadali í Havn.