Leikskráin fyri næstu UEFA Nations League kapping hjá kvinnum, sum verður spæld frá februar til juni 2025, er nú klár. Føroyar byrja á útivølli fríggjadagin 21. februar, og enda á heimavølli týsdagin 3. juni

Hósdagin var lutakast um, hvussu spælast skal í UEFA Nations League 2025 fyri kvinnur. Føroyar komu í bólk C1, saman við Slovakia, Moldova og Gibraltar.

Aftaná lutakastið settu umboð fyri londini seg saman at samráðast um eina leikskrá, og nú er komið upp á pláss, hvussu spælt verður.

Føroyar byrja og enda kappingina móti Slovakia, sum er styrkismett ovast í okkara bólki. Fríggjadagin 21. februar spæla Føroyar á útivølli móti Slovakia, og týsdagin 3. juni vitja slovakar í Føroyum.

Leikskráin
21. feb. Slovakia – Føroyar
25. feb. Gibraltar – Føroyar
4. apríl Føroyar – Moldova
8. apríl Føroyar – Gibraltar
30. mai Moldova – Føroyar
3. juni Føroyar – Slovakia