Í sambandi við HM undankappingardystin móti Kroatia, bjóðar A-landsliðið við monnum til U11 venjing á Tórsvølli mikudagin 3. septembur klokkan 16:00
Fullteknað! Tilmeldingin er afturlatin!
Mánadagin fer manslandsliðið undir fyrireikingarnar til HM undankappingardystin móti Kroatia, sum verður á Tórsvølli fríggjadagin 5. septembur klokkan 19:45.
Men áðrenn stóru uppgávu, nú eitt av heimsins bestu landsliðum kemur á vitjan, vilja føroyska landsliðsspælararnir bjóða øllum gentum og dreingjum, sum hava U11 aldur, til landsliðsvenjing á Tórsvølli mikudagin 3. septembur klokkan 16:00.
Landsliðsspælararnir standa fyri venjingini, og aftaná fáa børnini frukt og sunkist. Eisini verður møguleiki at fáa autografar og myndir saman við spælarunum.
Men fyri at skipa venjingina so væl sum tilber er neyðugt við tilmelding, ið fer fram á hesari leinkjuni: U11 venjing við landsliðnum.
Til venjingina við landsliðnum er pláss fyri 100 børnum. Tilmeldingin er latin aftur.
Atgongumerki til HM undankappingardystin millum Føroyar og Kroatia fáast til keyps í nethandilinum á FSF.fo og á atgongumerki.fo.
Fullteknað! Tilmeldingin er afturlatin!
