B4 Venjaraskeið

Endamál við B4: At geva venjarum víðari kunnleika um ungdóms- og vaksinvenjing og geva venjarum førleikar at standa fyri ungdómsliðum og vaksnum liðum.

Innihald: Luttakarin fær innlit í liðbygging, venjingarætlanir og menningarætlanir, har arbeitt verður miðvíst í longri tíðarskeið eftir lagdari ætlan. Eisini fáa luttakarnir víðari kunnleika um taktiska, kropsliga og mentala venjing. Luttakararnir gera sjálvsmynd og heimauppgávur. Týðandi partur av skeiðnum eru eygleiðingar av venjingum hjá luttakarunum úti í feløgunum.

Upptøkutreytir: Luttakari skal í minsta lagi vera 18 ár. Kravt verður, at luttakari hevur tikið B3 og er venjari hjá einum hóskandi liði. Vinarliga viðmerkið venjaraleiklutin (venjari ella hjálparvenjari) og hvat lið talan er um, tá meldað verður til. Fótbóltssamband Føroya skilar sær rætt til at velja millum luttakararnar.

Luttøkugjald: Kostnaðurin fyri skeiðið, íroknað frálærutilfar og kost, er kr. 4.000 kr. Konufólk fáa luttøkugjaldið endurrindað.