Heðin Askham og Bill M. Jacobsen hava úttikið U21-landsliðið, sum í næstum skal spæla ímóti Makedonia og Serbia
Fríggjadagin 1. juni, kl. 19:00, spælir føroyska U21-landsliðið EM-undankappingardyst ímóti Makedonia, og fýra dagar seinni, týsdagin 5. juni, somuleiðis kl. 19:00, skulu ungu føroyingarnir royna seg ímóti Serbia.
Báðir dystirnir verða spældir á Ovara Vølli í Gundadali.
Í hesum sambandi hava Heðin Askham og Bill M. Jacobsen, U21-landsliðsvenjarar, úttikið hesar 22 leikarar:
Rógvi S. Holm, Hallur Hansson og Teitur Gestsson, HB
Karl Løkin, Dánjal á Lakjuni og Jan Ellingsgaard, ÍF
Róaldur Jacobsen og Høgni Eysturoy, B36
Hans Jørgensen og Andre Olsen, B68
Páll Klettskarð og Sørmundur Á. Kalsø, KÍ
Kristian Joensen og Klæmint A. Olsen, NSÍ
Erling Jacobsen og Kaj Leo í Bartalstovu, Víkingur
Heini Vatnsdal, FC Suðuroy
Gilli Sørensen, TB
Rene S. Joensen, Brøndby IF (DK)
Viljormur Davidsen, FC Fyn (DK)
Bogi R. Petersen, Vejle (DK)
Jóan Símun Edmundsson, Viking (NOR)
Í EM-undankappingini eru Føroyar í bólki 4, saman við Danmark, Serbia, Makedonia og Norður Írlandi.
