Føroyska U19-landsliðið við dreingjum tapti fyrri av tveimum venjingardystum, sum í hesum døgum verða spældir í Norðurírlandi

——————

Tey flestu á Mourneview Park í Lugan høvdu sligið seg til tols við, at venjingardysturin millum Norðurírland og Føroyar fór at enda við málleysum javnleiki.

Men tá 94 minuttir vóru spældir fingu heimamenninir brotsspark, sum varð sett í netið, og harvið endaði dysturin 1-0 til norðurírar.

Sum heild var talan um ein vælspældan dyst, har liðini áttu hvør sín hálvleik. Áðrenn steðgin sótu okkara á tí mesta, meðan norðurírar komu til teir flestu kjansirnar í seinna hálvleiki.

Seinni venjingardysturin á millum Norðurírland og Føroyar verður á The Oval í Belfast fríggjadagin klokkan 15:00.