Lars Olsen hevur sett navn á teir 23 spælararnar, ið eru úttiknir til dystin móti Grikkalandi. Nýggir í føroyska landsliðshópinum eru Árni Frederiksberg úr NSÍ og Høgni Eysturoy úr B36
Á tíðindafundi í FSF-húsinum í morgun (mánadag) setti Lars Olsen, landsliðsvenjari navn á teir 23 spælararnar, ið eru úttiknir til EM-undankappingardystin ímóti Grikkalandi, sum verður á Tórsvølli leygardagin 13. juni klokkan 19:45.
Føroyski hópurin er sum so óbroyttur í mun til dystin móti Rumenia. Tó eru Fróði Benjaminsen og Hallur Hansson tøkir aftur, meðan nýggir í hópinum eru Árni Frederiksberg úr NSÍ og Høgni Eysturoy úr B36.
Teir 23, ið hava fingið landsliðsboð, eru hesir:
Gunnar Nielsen, Stjarnan (ICE)
Teitur M. Gestsson, HB
Tórður Thomsen, B36
Viljormur Davidsen, Vejle BK (DEN)
Atli Gregersen, Víkingur
Sonni Ragnar Nattestad, Vejle BK (DEN)
Odmar Færø, B36
Jóhan Troest Davidsen, HB
Høgni Eysturoy, B36
Gilli Sørensen, AaB Ålborg (DEN)
Fróði Benjaminsen, HB
Pól Jóhannus Justinussen, NSÍ
Róaldur Jakobsen, B36
Kaj Leo í Bartalsstovu, Levanger FK (NOR)
Christian Lamhauge Holst, Fremad Amager (DEN)
Brandur H. Olsen, FC København (DEN)
Sølvi Vatnhamar, Víkingur
Hallur Hansson, Vendsyssel (DEN)
Árni Frederiksberg, NSÍ
Rene S. Joensen, HB
Klæmint A. Olsen, NSÍ
Andreas Lava Olsen, Víkingur
Jóan Símun Edmundsson, Vejle BK (DEN)
Atgongumerki til dystin, ið einans kosta 100 krónur, kunnu keypast á heimasíðuni hjá FSF. Men sølan av atgongumerkjum hevur gingið væl, og klokkan gott hálvgum trý vóru bara 292 atgongumerkir eftir.
