2. deild menn: Triðja umfar í triðbestu deildini hjá monnum varð spælt um vikuskifti, og framvegis hava Giza/Hoyvík, Undrið FF og AB fult stigatal
FC Suðuroy – Skála 3-2
Fyrsti dystur í 3. umfari varð spældur fríggjadagin, ta FC Suðuroy og Skála møttust á Eiðinum í Vági. Úrslitið gjørdist 3-2 til heimaliðið, sum var frammanfyri 3-0 í steðginum.
Búi Egilsson, Bogi Lisberg og Eyðstein í Lágabø gjørdu málini fyri FC Suðuroy. Málini hjá Skála skoraðu Olaf Ellingsgaard og Jóhan B. Johansen.
Leygardagin vórðu hinir fýra dystirnir í hesum umfarinum spældir.
NSÍ – KÍ 6-1
Í Runavík vann NSÍ stórt ímóti KÍ. Úrlsitið gjørdist 6-1 til runavíkingar. Debes Danielsen og Kristian í Lon Jacobsen gjørdu tvey mál í part fyri NSÍ, meðan Albert Johannesen og Andrias á Líknargøtu skoraðu hvør sítt.
Einsamalla málið hjá KÍ skoraði Atli Henriksen tá ein minuttur var eftir at spæla.
Giza/Hoyvík – B68 3-0
Felagsliðið Giza/Hoyvík, sum liggur fremst í deildini við betri málmuni enn Undrið FF og AB, hevði vitjan av teimum næstbestu hjá B68.
Heimaliðið vann ein tryggan 3-0 sigur á toftamonnum, eftir 2-0 leiðslu í steðginum.
Christian Vilhelm Jacobsen gjørdi tvey mál fyri felagsliðið, meðan Allan Enghamar skoraði eitt.
Undrið FF – MB 3-0
Eisini Undrið FF gjørdi sína skyldu á heimavølli, tá teir vunnu 3-0 á miðvingum.
Tá fyrri hálvleikur var hálvrunnin legði Esmar Æðustein Poulsen vertirnar á odda, og tá stórur hálvur tími var spældur økti Rúni Elttør til 2-0.
Ein minutti fyri hvíldina var Esmar Æðustein Poulsen aftur upp á spæl, og skoraði til endaliga úrslitið 3-0 til Undrið FF ímóti MB.
AB – ÍF 3-1
Góða gongdin hjá teimum næstbestu á Argjum helt fram hetta vikuskiftið.
Á Blue Water Arena møttust AB og ÍF, og eftir at liðini fingu hvør sítt mál í fyrra hálvleiki, avgjørdi heimaliðið dystin stutt fyri leiklok.
Tað var annars Margeir Toftegaard sum legði fuglfirðingar á odda longu tá tveir minuttir vóru spældir, men beint fyri steðgin javnaði Hugin á Borg Ferber til 1-1.
Leingi sá út til at liðini skuldu fáa eitt stig í part, men seinastu fimm minuttirnar skoaði AB tvey mál, og vann 3-1.
Fyrst gjørdi Eyðun Madsen sjálvmál, og lítla løtu seinni slerdi Ari Johannesen sigurin fastan fyri argjamenn.
