Túnafótbóltur

Í 2009 lat Fótbóltssamband Føroya ein Túnabólt-vøll (Street Soccer) byggja, og fyrstu ferð vøllurin var brúktur var til Mentanarnáttina í Havn hetta sama árið. 

Túnabólt-vøllurin er væl egnaður til smærri fótbóltskappingar. T.d. á skúlum, stevnum, festivalum og onnur tiltøk. Tað er bara hugflogið, ið setir avmarkingarnar.

Tað serliga við vøllinum er, at hann kann setast upp mest sum allastaðni. Undirlagið skal bara vera hampuliga slætt, og tað er tískil líka mikið um tað er á vegi, kaiøki ella á einum fótbóltsvølli.

Støddin á vøllinum er 17 x 12 metrar (útvendig mát). Støddin á sjálvum vøllinum, har spælt verður, er 15 x 10 metrar.

Áhugaði, ið ynskja at leiga vøllin, kunnu venda sær til skrivstovuna hjá FSF, tel. 35 19 79, ella senda ein teldupost til Hans Erik Danielsen, [email protected].