Frá hálvum mars til miðan juni skipar FSF fyri B4-venjaraskeiði í Havn. Hetta er sama skeiðið sum vanliga verður nevnt Slóðarin
Byrjað verður hósdagin 14. mars kl 18.00 í FSF-húsinum í Havn. Síðani verður hildið fram 4. apríl, 2. mai og 23. mai. Seinasta samling verður hósdagin 13. juni. Tilsamans verða fimm hósdags-samlingar, sum vera í umleið tríggjar og ein hálvan tíma hvørja ferð, og har ástøðiligi parturin verður viðgjørdur.
Harumframt verða 3-4 vitjanir úti í felagnum hjá einstaka luttakaranum, har venjing og persónlig vegleiðing er á skránni – hetta verður tann meira praktiski parturin. Í hesum partinum koma luttakarar eisini at arbeiða saman.
B4-skeiðið er fyri tey, sum hava tikið B3-skeiðið (tað, sum var B2 fram til ársenda 2007). Luttøka er eisini treytað av, at viðkomandi er venjari hjá "hóskandi" liði. Vinarliga viðmerki hetta á viðfesta tilmeldingarblaðnum.
B4 gevur atgongd til at fara upp til B-próvtøku í august/september 2013. B-prógv er ein av fyritreytunum fyri upptøku á A-venjaraútbúgvingina.
Tilmeldingarfreistin er mánadagin 25. februar 2013.
Meira fæst at vita um B4-skeiðið, við at venda sær til Petur Simonsen, [email protected] ella tel. 29 19 77.
