Mikudagin 14. juli verða fyrstu atgongumerkini til heimadystirnar, sum A-landsliðið við monnum skal spæla í september og oktober mánað, sett til sølu í Nethandilinum á FSF.fo

——————

Føroyska A-landsliðið við monnum skal spæla í alt sjey HM-undankappingardystir í heyst – fimm á heimavølli og tveir á útivølli.

Og vónandi verður møguleiki at loyva áskoðarum til dystirnar, tí frá mikudegnum 14. juli klokkan 10:00 verður Landsliðspakkin, ið gevur føroysku landsliðsfjepparunum atgongd til allar fimm heimadystirnar, settur til sølu í Nethandilinum á heimasíðuni hjá FSF.

Kostnaður
Bólkur 103-106: 1.000 kr.
Bólkur 107-108: 750 kr.
Bólkur 109, 112 og 113: 500 kr.

Bólkarnir 110 og 111 eru ætlaðir til limir í fjepparafelagnum Skansin, og er tað fjepparafelagið sjálvt, ið stendur fyri søluni av atgongumerkjum í hesum bólkunum.

Landsliðspakkin verður seldur við “koronauppseting”, har annað hvørt rað er avlæst. Í alt verða 1.156 Landsliðspakkar settir til sølu.

Sølan av Landsliðspakkum er bert opin fyri føroyskum IP-adressum. Um tað eru føroyskir fjepparar, ið eru staddir uttanlands og tí ikki fáa keypt gjøgnum netsøluna, kunnu hesir seta seg í samband við Fótbóltssamband Føroya umvegis teldupost, [email protected]

Dystaskráin 2021
1. sept. Føroyar – Ísrael
4. sept. Føroyar – Danmark
7. sept. Føroyar – Moldova
9. okt. Føroyar – Eysturríki
12. okt. Føroyar – Skotland
12. nov. Danmark – Føroyar
15. nov. Ísrael – Føroyar

Allir dystirnir byrja klokkan 19:45 føroyska tíð.

Hvussu verður við atgongumerkjum til dystirnar á útivølli móti Danmark og Ísrael í november, verður kunnað um seinni.