Vís alt

Tíðindi

Síður

Starvsfólk

Tel. {{hit.mobile}}

Vísir {{page * page_size + 1}} - {{ page_size * (page+1) }} av {{ no_hits }} úrslitum

Playmakers

Disney Playmakers í Føroyum – nú er tilmeldingin aftur opin!

Foreldur fortelja:
“Eitt fantastiskt tilboð fyri genturnar, dótturin er sum ein nýggj genta, vegna hon hevur fingið meira sjálvsálit”

“Gott tilboð, dóttir okkara elskaði at fara til Disney fótbólt. Tað gjørdi at fleiri gentur fóru til “vanligan” fótbólt, og fáa tær nú manna lið”

Eftir eitt sera væleydnað umfar í vár, fara vit nú aftur undir Disney Playmakers venjingar í samstarvi við feløg kring landið. Higartil hava 131 føroyskar gentur tikið lut í átakinum, og tilboðið er sum heild sera væl móttikið.

Heystið 2025 bjóða vit Playmakers við FROZEN 2 út her:

Argir (í samstarvi við AB)
Venjarar: Paula N. Thomassen og Maria Neshamar
Hvar: Fimleikahøllin í Gulaskúla
Nær: hósdagar kl. 18 – fyrsta venjing 2. oktober

Havn (í samstarvi við HB)
Venjarar: Silja Ragnarsdóttir Trier og Ronja Ragnarsdóttir Trier
Hvar: Høllin í Finsen
Nær: týsdagar kl. 17 – fyrsta venjing 30. september

Suðuroy
Venjarar: Elin Maria Müller og Rebekka Olsen
Hvar: Miðnámsskúlin í Hovi
Nær: Mánadagar kl. 17 – fyrsta venjing 29. september

Gøtu (í samstarvi við Víking)
Venjarar: Lis Skoralíð og Mirjam Skoralíð
Hvar: Fimleikahøllin við Gøtugjógv
Nær: Mikudagar kl. 17 – fyrsta venjing 1. oktober

Klaksvík (í samstarvi við KÍ)
Venjarar: Lisa Joensen og Maria Ziskason
Hvar: Fimleikahøllin á Skúlatrøð
Nær: mikudagar kl.16.30 – fyrsta venjing 1. oktober

Sundalagið (í samstarvi við EB/Streym)
Venjarar: Frida Gregersen og Rakul Magnussen
Hvar: Innandura við Margáir
Nær: sunnudagar kl. 10 – fyrsta venjing 28. september

Eitt umfar av Playmakers fevnir um 8-10 venjingar og kostnaðurin fyri at luttaka er 200 kr. Leinki til tilmelding er her.

Hvat er Disney Playmakers?

Playmakers er eitt samstarv millum Disney og UEFA, sum Fótbóltssamband Føroya er ein partur av. Við átakinum ynskja vit at geva 5-6 ára gomlum gentum eina øðrvísi og stuttliga byrjan uppá fótbólt, har dentur verður lagdur á rørsluførleikar, lívsførleikar og sosialar førleikar.

Eitt umfar av Playmakers fevnir um 8-10 venjingar, har vit spæla okkum ígjøgnum søgugongdina úr einum Disneyfilmi við sterkum kvinnuligum fyrimyndum; á føroyskum hava vit tveir filmar til Playmakers: Frozen 2 og Encanto.