Droym Stórt!

Framtíðarmøguleikar

Droymir tú um at liva av at spæla fótbólt uttanlands? Ella umhugsar tú at sameina fótbóltsleiðina við útbúgving ella arbeiði? Óansæð, hvør tín dreymur er, so eggja vit tær til at fylgja dreyminum og leggja neyðugu orkuna í at fáa so nógv sum gjørligt burturúr tíni fótbóltsleið. Niðanfyri vísa fýra spælarar okkum, hvussu teirra fótbóltslív sær út – kanska fært tú íblástur!

Ásla Johannesen – fulltíðarprofessionell í Svøríki

Kára Sigurdsson – ungdómskontraktspælari í FC Nordsjælland

Sara Samson Shaki – landsliðsspælari og lærlingur

Sanna Svarvadal – landsliðsspælari og lesandi á Setrinum

Kostur og matvanar

Kostur og matvanar hava stóran týdning fyri, hvussu væl tú kanst avrika sum fótbóltsspælari, og tí er tað skilagott at geva kostinum gætur. Hvat og nær skalt tú eta, fyri at vera so væl fyri til venjingar og dystir sum gjørligt? Og hvørjar eru “go-to” uppskriftirnar hjá nøkrum av okkara bestu spælarum? Alt hetta fært tú svar uppá niðanfyri.

Rætta brennievnið – ein animatiónsfilmur, sum gevur tær grundleggjandi forstáilsi fyri, hvussu maturin ávirkar tíni avrik sum fótbóltsspælari

Tá vit nú skilja munin millum ymisku kostbólkarnar, lat okkum so hoyra, hvussu vit kunnu brúka hesa vitanina í gerandisdegnum. Hvussu skulu vit leggja okkara máltíðir til rættis gjøgnum ein langan dag við eitt nú skúla, venjing og/ella dysti? Svarini fáa vit í framløguni niðanfyri.

Kostur og matvanar – Eli N. Leifsson, kropsligur venjari í FSF greiðir frá og gevur góð ráð

Tað hevur sostatt stóran týdning at hugsa um, hvat fyri brennievni vit geva kroppinum at arbeiða við. Vilt tú hava íblástur frá nøkrum av Føroya fremstu spælarum? So kanst tú hyggja at videobrotunum niðanfyri. Harumframt fært tú her yvirlit yvir tilfar og uppskriftir hjá spælarunum.

Fyrimyndir í køkinum – seks spælarar vísa okkum teirra “go-to” máltíðir og uppskriftir til dystardagar og millummálar

Árni Fredriksberg

Fridrikka Klementsen

Óluva Allansdóttir Joensen

Pætur Petersen

Sara og René Shaki

Tórunn Højgaard Joensen

Uppskriftirnar finnur tú her

Styrkivenjing

Í skiftinum frá barnafótbólti til ungdóms- og seinni vaksnamannafótbólt, er tað skilagott at byrja við styrkivenjing. Men tað er alneyðugt, at styrkivenjing gongur fyri seg við skili og skynsemi, serliga fyrstu tíðina. Niðanfyri fært tú grundleggjandi vitan um styrkivenjing, sum tú eigur at byrja við at hyggja eftir. Eftir hetta finnur tú styrkivenjingarprogramm at taka útgangsstøði í, umframt videoupptøkur, sum vísa øvilisini gjørd rætt.

Um tú ongar royndir hevur við styrkivenjing, so er tað eitt gott hugskot at tosa við venjaran hjá tær og/ella onnur vaksin rundanum teg, áðrenn tú byrjar.

Styrkivenjing – Eli N. Leifsson, kropsligur venjari í FSF greiðir frá og gevur góð ráð

Styrkivenjingarætlan
Her finnur tú styrkivenjingarætlan, sum tú kanst fylgja. Ætlanin er í fimm stigum, har tú byrjar við fyrsta stigi og líðandi kanst arbeiða teg upp eftir stiganum. Um tú longu hevur royndir við styrkivenjing, so er tað kanska hóskandi hjá tær at byrja longur uppi á stiganum. Minst til at gera tær ómak við at gera venjingarnar rætt og lurta eftir tínum egna kroppi.

Niðanfyri sært tú, hvussu venjingarnar skulu gerast

Armboyggingar

Bulgarian Split Squat

Glute Bridge

Hopp

Jumping Lunges

Landmine press

Longdarlop

Nordic Hamstring

Planka

Pull-ups

Russian twist

Síðu Planka

Squat

Swiss Ball Leg Curl

Ven við Brá

Bestu spælararnir hava øll til felags, at tey brúka nógva tíð uppá frítt spæl við bólti og/ella sjálvvenjing. Niðanfyri fært tú íblástur til venjingar, sum tú kanst gera sjálv/ur, tá tað hóskar tær. Bjóða tær sjálvum av og nýt eisini hugflogið til at finna nýggj spøl og mátar at venja uppá.

Venjingar:

Skalla

Avlevering móti vegg

Avlevering við vending

Dribla skjótt

Dripblimynstur

Halvtliggjandi vristspark

Jonglera

Skjótleikavenjing

Poddvarpsrøðin – Tann útlendski dreymurin

Í nýggjari poddvarpsrøð hoyra vit spælarar og familjur fortelja um leiðina til yrkisfótbólt uttanlands

Tit kunnu lesa meira um podcastin vit hava gjørt, á okkara tíðindagrein um “Tann útlenski dreymurin” her.

Tú kanst eisini lurta eftir poddvarpsrøðini her:

Um “Droym stórt” verkætlanina

Við “Droym stórt” verkætlanini vilja vit eggja fleiri føroyskum spælarum at seta sær stór mál og arbeiða hart fyri at røkka teimum.

Fyrst í 2025 spurdu vit spælararnar í FSF úrvalsvenjingini og á ungdómslandsliðunum, hvat tey kundu hugsað sær at lært meira um í mun til teirra fótbóltsleið. Evnini, sum vóru greitt mest eftirspurd, vóru:

Framtíðarmøguleikar í fótbólti, kostur & matvanar, íblástur til sjálvvenjing og styrkivenjing

Á hesari síðuni hava vit framleitt og savnað læruríkt tilfar um júst hesi evnini, sum vit vóna kann eggja ungum føroyskum fótbóltsspælarum til at droyma stórt og arbeiða hart. Umframt tað arbeiðið, sum spælarar sjálvi kunnu leggja fyri dagin, so hevur eitt stuðlandi bakland eisini stóran týdning.

Tí hava vit eisini framleitt poddvarpsrøðina “Tann útlendski dreymurin”, har vit hoyra spælarar sjálvar og familjulimir greiða frá dreyminum um yrkisfótbólt uttanlands.