Tíðindi

Tíðindi - 28. februar 2013

John Petersen skal venja U19-genturnar

Fótbóltssamband Føroya hevur sett John Petersen í starv sum høvuðsvenjara hjá U19-landsliðnum við gentum

Fótbóltssamband Føroya og John Petersen hava gjørt avtalu, ið inniber, at John Petersen verður høvuðsvenjari hjá U19-landsliðnum við gentum í 2013.

John Petersen avloysir sostatt Rúna Nolsøe, sum í fjør, saman við Ingun Hansen, stóð á odda fyri U19-landsliðnum. Ingun Hansen heldur fram sum hjálparvenjari.

U19-landsliðið við gentum skal luttaka í tveimum kappingum í ár.

Í døgunum 8. til 12. mai skulu genturnar til eina fýralandakapping í Litava, og seinnapartin av september mánaða skulu føroysku genturnar til EM-undankapping í Finnlandi.

Aftur
Topp

Sendistovan