SKJAL A:

Mannagongd fyri tí skrivligu umboðsmannaroyndini

I

1
 Royndin skal vera ein multiplichoice roynd. Umsøkjarin hevur staðið royndina, um hann í minsta lagi fær tey stigini, sum FIFA hevur sett sum krav (sí §5).
2
 Umsøkjarnir fáa spurningar innan fylgjandi evni:
 
 a) Vitan um galdandi fótbóltsreglur, serliga í samband við flytan av felagi (lógir og reglugerðir í FIFA, UEFA og tí Fótbóltsambandið sum hann tekur royndina hjá).
 b) Vitan um sivilar lógir (serliga um grundleggjandi prinsippir innan persónlig rættindi) og sáttmálarætt.
3
 Royndin skal innihalda 20 spurningar – 15 um altjóða lógir og 5 innan ta heimligu lógina.
4
 Hvørt einstakt Fótbóltssamband skal gera sínar egnu spurningar innan ta heimligu kappingina, og FIFA vil gera spurningarnar innan altjóða lógirnar.
5
 FIFA avgerð, hvat minstamarkið av stigum er, fyri at klára royndina. Hvørt rætt svar gevur 1 til 3 stig, alt eftir torleikastigi.
6
 Áðrenn royndina skal Fótbóltssambandið upplýsa umsøkjarnar um, hvat stigatal krevst fyri at klára royndina.

II

1
 Uppgávan skal rættast, tá ið royndin er liðug, og umsøkjarin fær úrslitið at vita.
2
 Umsøkjari, sum ikki klárar royndina, fær møguleika at royna aftur beinanvegin, tá roynd verður fyriskipa aftur.
3
 Umsøkjari, sum heldur ikki klárar royndina aðru ferð, kann ikki fara upp aftur til roynd, fyrr enn tvær royndir hava verið. Síðani kann hann søkja um at slepp til roynd fyri triðju ferð. Hann kann
nú velja, um hann tekur royndina hjá Fótbóltsambandinum ella FIFA.
4
 Umsøkjarar sum ikki klára royndina triðju ferð, kunnu ikki fara upp til roynd, fyrr enn tvey ár eru liðin.

Høvuðsstuðlar

Aðrir Stuðlar