Í løtuni eru tríggir føroyskir leikaraumboðsmenn á føroyska marknaðinum, Jákup í Stórustovu, Ólavur Waag Høgnesen og Hans Jacob á Líknagøtu.

Hvør kann virka sum leikaraumboðsmaður
Treytin fyri at virka sum leikaraumboðsmaður er tann, at viðkomandi hevur loyvi frá Fótbóltssamband Føroya, ella øðrum fótbóltssambandi, sum er limur í FIFA. Loyvið verður fingið á tann hátt, at FIFA skipar fyri eini roynd tvær ferðir um árið, í mars og september mánað. Verður royndin staðin, skal viðkomandi undirskriva eina umboðsmannayvirlýsing og stovna eina trygging, áðrenn loyvi verður útskrivað.
Minsta tryggingartal verður ásett av FSF og er í løtuni 2 mió. krónur. Harafturat metir umboðsmaðurin, um umsetningurin er so høgur, at hann eigur at hækka gjaldið. Krøv móti umboðsmanni verða ikki avmarkaði av ábyrgdartryggingini.
Tá ið loyvið er komið uppá pláss, kann umboðsmaðurin fara til verka.

Umboðsmannasáttmáli
Umboðsmaðurin kann bert umboða feløg ella leikarar, um hann hevur gjørt ein umboðsmanna sáttmála við tey. Umboðsmaðurin hevur ikki loyvi at seta seg í samband við leikarar sum hava sáttmála við annan umboðsmann.

Bert umboðsmaður við góðkendum loyvi kann nýtast
Spælari og felag kann bert nýta leikaraumboðsmann, sum hevur loyvi frá FSF ella onnkrum øðrum fótbóltssambandi, sum er limur í FIFA.
Omanfyrinevnda avmarking er ikki galdandi, um tann sum veitir hjálp er foreldur, systkin ella sambúgvi, og heldur ikki um spælari ella felag søkir hjálp frá sakførari, sum virkar í samsvar við galdandi reglugerð fyri sakførarar.
Tað er skylda leikaranna, at tryggja sær, at tann leikaraumboðsmaður, sum hann brúkar hevur eitt lógligt loyvisbræv. Undantikið omanfyrinevndu undantøk.
Um so er, at ein leikari letur seg umboða av einum umboðsmanni uttan loyvisbræv, kann FSF ella FIFA meta um, um avtalan yvirhøvur er bindandi.
Harafturat kunnu fylgjandi revsiatgerðir fremjast mótvegis spælaranum.
Felagið skal tryggja sær, at leikaraumboðsmaðurin sum umboðar ella samráðist við felagið hevur gildugt loyvi. Um hetta ikki verður fylgt kann felagið verða revsað fylgjandi:
a) Ávaring/átala
b) Nevndarlimir frákoyrdir
c) Bót
d) Sleppur ikki at handla við leikarum í einum tíðarskeiði
e) Sleppur ikki at luttaka í kappingum

Avtalur sum verða sgjørdar við “ólógligum” umboðsmonnum eru ógildigar. Fleiri revsiatgerðir kunnu fremjast samstundis.
 

Høvuðsstuðlar

Aðrir Stuðlar