Nýggjastu tíðindini

Melda til tíðindabræv

Tíðindi - týsdagur, 5. november 2019

Í døgunum 22. og 23. november verður skipað fyri skeiði fyri fólki, sum hava áhuga í at vera vaktir til bæði altjóða- og føroyskar fótbóltsdystir

Fyrstu UEFA Stewards, ið hava tikið prógv í Føroyum. Prógvini vórðu handaði 1. apríl 2019. Nýtt skeið verður 22. og 23. november - Mynd: Hans Erik Danielsen

Skeiðið, ið verður hildið í FSF-húsinum í Havn fríggjadagin og leygardagin, 21. og 22. november, er eitt sonevnt “UEFA Steward Course”, og er býtt upp í fleiri partar.

Millum annað verða hesi evni umrødd

- At vera Steward (enska orðið fyri vaktarfólk til dyst)

- Tænastuveiting og samskifti

- Arbeiðsbýti til dyst

- Hvussu ert tú sum vaktarfólk

- Evakuering og neyðstøður

- Ymiskar støður, ið kunnu fyrikoma

Skeiðið er fríggjadag frá klokkan 17:00 til 21:30 og leygardag frá 09:00 til 17:30.

Skeiðið, ið er ókeypis, er ætlað øllum, sum arbeiða sum vaktarfólk til dystir, ella sum hava áhuga fyri hesum.

Seinasta freist at boða frá luttøku er fríggjadagin 15. november. Tilmelding fer fram í Nethandilinum á heimasíðuni hjá Fótbóltssambandi Føroya, www.fsf.fo

Nærri kunning um skeiðið fæst við at venda sær til Terja Nielsen, tel. 23 12 60.