Í undankappingini til HM 2002 eydnaðist tað føroyska A-landsliðnum at fáa 7 stig, og er hetta tað mesta nakrantíð, síðani Føroyar fóru at taka lut í undankappingum til HM og EM.

Føroyar endaðu í bólki 1 saman við Slovenia, Russlandi, Sveis, Jugoslavia og Luksembourg. Í fyrsta dystinum sá leingi út til at Føroyar skuldi tapa á heimavølli fyri Slovenia, men í yvirtíðini eydnaðist tað fyrst Una Arge, og síðani Øssur Hansen, at tryggja Føroyum javnleik 2-2. Føroyar vunnu eisini báðar dysirnar ímóti Luksembourg, og sostatt vunnu Føroyar 7 stig samanlagt.

HM-endaspælið í 2002 varð spælt í Japan og Suður Korea. Týskland, Suður Korea, Brasil og Turkaland vunnu seg í hálvfinalurnar, sum endaðu við at Týskland og Brasil vunnu seg víðari í finaluna. Í finaluni vunnu brasiliumenn 2-0, og gjørdust harvið heimsmeistarar. 

Høvuðsstuðlar

Aðrir Stuðlar